XOSE SEIVANE.A GAITA CON MAIUSCULA

Xosé Manuel Seivane Rivas (A Fonmiñá, Pastoriza, Lugo 1923 / Cambre, A Coruña, 2012) pasa por ser un dos mellores fabricantes de gaitas de todos os tempos. Aínda que non é a primeira ocasión en que se estuda a súa figura ou que se lle dedica un cocumentario, si que este libro representa primeira tentativa de facer unha aproximación ampla á biografía de quen foi un dos artesáns máis importantes e máis influentes na música tradicional de Galiza. Con efecto, a súa forma de construir gaitas desde o ano 1939, constantemente aperfeizoada ao longo de toda una vida, coadxuvou enormemente para que na actualidade o instrumento máis representativo do país sexa coñecido no mundo enteiro. No mestre, e tamén na familia que na actualidade continúa brillantemente esa adicación, converxeron un roburento respecto pola tradición e unha perenne ansia investigadora, o que facilitou o aparecemento de indiscutíbeis melloras para a cornamusa. En síntese, Xosé Manuel Seivane Rivas. A gaita con maiúscula dá conta dos aspectos máis importantes da vida de Seivane, non só do punto de vista da súa faceta como artesán, mais tamén tando en consideración a familia, as amizades, o seu contexto vital e cultural, etc. Unha obra en definitivo, que se torna indispensábel para as persoas que aman a música tradicional ou que coñeceron Seivane. O libro, no que colaboran Daniel Bellón e Pedro Lamas, contén, ademais dun álbum fotográfico que abarca a vida familiar e profesional de Xosé Seivane, doce imaxes realizadas en exclusiva para esta publicación polo recoñecido fotógrafo cántabro Vicente Ansola.