O PARABLE ASCENSO DE ARTURO UI

A crítica ten clasificado O parable ascenso de Arturo Ui como unha das chamadas parabelstücke (?parábolas teatrais?) de Brecht. A conclusión que o público pode tirar despois de ler ou ver esta parábola é que o facismo non é un feito histórico illado, senón ?a sempre posible continuación dos negocios con outros medios?, idea que se corresponde coa concepción brechtiano-marxista de que, en realidade, a política e mesmo o destino dos pobos están supeditados aos intereses do gran capital. Precisamente nuns momentos históricos como os que estamos a vivir, presididos pola intolerancia, pola xenofobia, polo racismo, polo triúnfo do máis descarado economicismo, polo ascenso, en fin, das forzas fascistas e reaccionarias, a publicación desta obra de Bertolt Brecht cobra un especial sentido e significado.

Laiovento quere conmemorar, así, coa edición deste importante título do dramaturgo alemán, o centenario do seu nacemento.

Tradución do alemán de Sonsoles Cerviño López.

Retrato da lapela: Luís Seoane.