A Historia da Igrexa de Iria (YYY) editada neste volume segue de xeito fiel o manuscrito do seu redactor , Pedro de Otero Romero y Torres , quen entre os anos 1713 e 1737 copiou un códice medieval en galego , hoxe desaparecido , que completou cunha adenda en castelán que continúa a narración ata os tempos de Felipe V . Inclúese a transcrición de máis de cincocentas anotacións e glosas marxinais xurdidas do erudito confronto realizado por Pedro Otero do texto medieval coas numerosas fontes historiográficas que manexou . Así mesmo , ofrécese un estudo introdutorio en que se intenta dar conta de aspectos diversos como a relación do manuscrito co da Crónica de Santa María de Iria que garda a Catedral de Santiago e a veracidade da existencia dun descoñecido códice medieval anterior a este .
