- Editorial:
- ARRAIANOS EDICIONS
- Ano de edición:
- 2024
- Materia
- Historia
- ISBN:
- 978-84-09-56106-3
- Páxinas:
- 174
- Encadernación:
- Tapa blanda
- Colección:
- VARIOS
- Idioma:
- Galego
90 ANOS NAS ONDAS 1933-2023
Dos inicios da radio en Galicia aos Nosos días. Historias de EAJ-4/Radio Galicia
ASER ÁLVAREZ GONZÁLEZ
Conforme á misión encomendada por Iñaki Gabilondo no limiar deste libro, imos na procura da mellor palabra para definir a relación entre a radio e os ouvintes: "Sabemos que non somos da familia, pero a radio acompáñanos no coche, no teléfono móbil e mesmo entra nas nosas casas con tal confianza que coñece até as nosas cociñas, baños e dormitorios. E non é cousa dun día, dun mes ou dun ano. A relación da audiencia coa radio en Galcia fai xa noventa anos. Mais aínda seguimos na procura da palabra axeitada.
Recollemos neste libro as historias, as voces e os rostros dos homes e mulleres da radio que ao longo das últimas décadas compartiron connosco as súas lembranzas. Son relatos que nos levan até os inicios da radio, coas primeiras emisións durante a II República, naquela emisora ao servizo do galeguismo e nun contexto político cheo de esperanzas; e que continúan co alzamento militar, a guerra, a represión franquista e a ditadura; que nos traen até a chegada da democracia, a autonomía e o progreso social; e tamén nos falan do delirio dunha burbulla financieira que causou unha crise global ou desa pandemia que nos fixo reparar na nosa propia fraxilidade.
