Vigo é unha cidade única en Galicia pola súa contribución ao atletismo. O novo libro de Emilio Navaza, Vigo, capital atlética (Alvarellos Editora, 2025), así o demostra nun volume centrado na singular historia deste deporte olímpico na cidade.
Ningún outro lugar fixo tanto por este deporte.
As primeiras competicións organizáronse en
1913, e na década de 1920 creouse a Federación
Galega de Atletismo. Pouco despois, a cidade organiza en Coia (1921) o V Campionato de España
de Pista.
Ademais, a nómina de olímpicos vigueses é impresionante: Carlos Pérez (Roma, 1960; México,
1968 e Múnich, 1972), seguido de Rogelio Rivas
(Tokio, 1964), Javier Álvarez Salgado (México,
1968 e Múnic, 1972), Ramón Magariños (México,
1968), Alejandro Gómez (Seúl, 1988; Barcelona,
1992 y Atlanta, 1996), José Carlos Adán (Barcelona,
1992), Estela Estévez (Barcelona, 1992), Santiago
Pérez (Atenas, 2004 e Pequín, 2008) e Ester
Navarrete (París, 2024).
Despois da publicación de Más allá de la meta
(Alvarellos Editora, 2022), Emilio Navaza volve
deleitarnos coas súas historias atléticas dende
Galicia, esta vez con Vigo como núcleo e inspiración.
Navaza escribe co talento narrativo dos
mellores xornalistas: entra en detalle, con rigor,
ata a cita exacta, e tampouco se perde a anécdota
engaiolante. A súa narrativa vese aínda máis enriquecida con máis de oitenta fotografías, moitas
delas xa centenarias, e todas históricas.
Esta edición contou co apoio do Concello de Vigo
e da Secretaría Xeral para o Deporte da Xunta de
Galicia.
Emilio Navaza naceu en Pontevedra en 1948.
Traballou como xornalista deportivo en El Correo
Gallego e Radio Obradoiro. É autor dos libros Galegos: na gloria olímpica (1992) e Vontade de ferro, Os galegos do Barcelona 92, ano olímpico (1996), e Más allá de la meta-Historias atléticas de Galicia (Alvarellos Editora, 2022). A Federación Galega de Atletismo outorgoulle a Insignia de Ouro en 2003, e a Real Academia Olímpica Española, xunto coas tres universidades galegas, concedeulle a Medalla Pierre de Coubertin en 2013.
