- meneira que reflicten cancións como Libre de Nino Bravo , Eagle de ABBA ou Fly Like An Eagle de Steve Miller , o ser humano pode aspirar a voar coma unha aguia na busca da beleza , da emoción e da verdade , case seguindo aquela xeira platónica cara á trindade do excelso . É un soño que se fai realidade conado viaxamos . Torino é o relato dunha viaxe , un traxecto entre Galicia e Italia que lle serve ao autor para encontrarse a si mesmo e para explicarse á súa familia . Un libro de crónica que é un libro de ensaio , que é asemade un libro de pensamento . A aventura descrita aconteceu no ano 2003 e o texto foi escrito nos dous anos seguintes , pero os sentimentos exprerimentados e os pensamentos explorados seguen presentes , coma unha eternidade a repetirse , fundando un cronotopo, un eido onírico que universaliza a vivencia do autor e nola doa . Esta travesís física e espiritual pide unha lectura calmada que permitaa que a imaxinación pinte un retrato das peripecias que se contan e que o pensamento considere as ideas que se ofrecen como flores . Os pasos da vida e a inquedanza polo inmaterial están presentes . no fondo do río da vida , entre pedras ásperas ou puídas , talvez encontre o lector humildes pedras preciosas no abalar que o mar do spiritus mundi provoca , xunto con múltiples conexións , augurios e emocións voando en liberdade . Un brillante libro no que sentimento , intelecto e fantasía conviven amablemente.
