Alberto Pérez Riera, fillo de pai galego(nado en Cedeira) e de nai catalá(nada en La Bisbal D`Empordá-Xirona),naceu en Caranza(Ferrol), no ano 1979, pero viviu dende pequeno nas Pontes de García Rodríguez, no poboado do Muíño, onde eran moitos nenos de familias que case todas viñan de fóra, debido á característica industrial do pobo. Estudou en Compostela Económicas, pero deixouno para acabar estudando finalmente Filosofía. Xa de adolescente lle gustaba escribir poemas, pero sempre coma pasatempo. Te publicado en castelán o poemario "De cantos y revoluciones..."(Carena, 2024).
Nos tempos escuros dun capitalismo onde a acumulación significa morte e onde o sentido á vida está decapitado polos intereses míseros da produtividade, dos cartos e duns mercados afastados do ser humano, pero que, non obstante, son os novos deuses da nosa relixión fetichista, necesitamos máis que nunca encontrarnos, trascender un mundo cheo de fronteiras, non aoamente físicas, senón psicolóxicas e sociais, levantarnos e seguir adiante, aínda que os nosos berros de desesperación caian, nun primeiro momento,na nada, porque chegará o día en que os pobos se levanten e , no canto de venerar as cousas e camiñar polo barro sabendo que podemos voar, comezaremos a amrnos e, polo tanto, vivir cunhas finalidades vitais e dun xeito totalmente opostos, moito máis próximos á natureza, arte e ao coñecemento sen que ningún quede atrás.
