Este conxunto de relatos quere ser unha recuperación dun mundo que xa non existe; de algo que desapareceu nos últimos tempos. Dende a mar ao ceo, cun comezo nunha ría e un remate no paraíso, alomenos un tipo de paraíso. Unha viaxe dende a vila eumesa á Coruña por unha banda e a Ferrol por outra, pero tamén recorridos máis alá, ata a fronteira entre Lugo e Ourense. Son as historias dun cativo que creceu nas montañas do Sur de Lugo e tamén na ría de Pontedeume.
O que mantén unidos estes contos é a figura da nai. Unha muller traballadora que recorreu desde a súa infancia na máis profunda posguerra ata os novos tempos da democracia; sempre sen deixar de traballar, de coidar ao seu home e aos seus fillos.
Saen porque levan tanto tempo comigo que xa é hora de que os comparta.
