Dunstan Ramsay foi durante toda a súa vida o quinto en cuestión . Veterano da Primeira Guerra Mundial e xa profesor xubilado , repasa nunha longa carta a súa traxectoria , marcada por un feito acontecido cando tiña dez anos . Unha tarde de decembro de 1908 , Percy Boyd , o seu amigo e tamén rival , lanzalle unha bola de neve . Dunstan esquívaa , pero a bóla golpea a señora Dempster , que cae polo impacto e sofre un parto prematuro . A partir de entón , os destinos de todos eles quedarán vinculados para sempre . O quinto en cuestión é a obra máis recoñecida de Robertson Davies ; un relato humanista de evocación psicanalítica coa que se inicia a << Triloxía de Deptford >> . Publicada en 1970 , esta novela enigmática , escrita con elegancia e dunha forza narrativa irresistible, converteu o autor nun dos meirandes magos da palabra do século XX.
