Os contos que conforman este volume contitúen un reflexo tan absurdo coma sorprendente dos devezos e incertezas do mundo actual . Os seus protagonistas son mulleres e homes que procuran o pracer e a fantasía , pero que se ven atrapados na dúbida e na confusión . Nada se salva da clave paródica e subversiva de Monzó : todo pasa polo seu hilirante estilo , que subverte tanto os estereotipos sociais como a propia lóxica interna do conto . Considerado como un dos exercicios máis virtuosos da literatura catalá contemporánea , o porqué de todas as cousas converteuse nun éxito inmediato de crítica e público ( Premi Ciutat de Barcelona de Literatura e Premi Crítica Serra d`Or de Literatura i Assaig ) , e consagrou a Quim Monzó como un dos autores máis relevantes da súa xeración .
