- Editorial:
- LAIOVENTO S.L.
- Ano de edición:
- 2002
- ISBN:
- 978-84-8487-016-6
- Páxinas:
- 269
- Colección:
- FORA DE SERIE
- Idioma:
- Galego
MANUAL DE EVOLUÇOM E SISTEMATICA
WALTER SUDHAUS / KLAUS REHFELD
Todos os achados da investigaçom biológica podem ser interpretados à luz da teoria da evoluçom.
Esta abrangente teoria, baseada em disciplinas clássicas ?nomeadamente, na Biologia Comparada e na Sistemática? e formulada em 1859 por Charles Darwin, vinha a ofrecer umha explicaçom histórica da ordenaçom da Natureza que, sobretudo a partir do século XVIII, se estava a desvendar e investigar, de modo que os grupos sistemáticos até entom reconhecidos deviam agora ser concebidos como produtos históricos reais das cisões sofridas polas espécies. Assim, a, em palabras de Darwin, ?ligadura invisível? existente entre os grupos veu a ser descoberta nas relações de descendência, isto é, nas relações evolutivas, polo que pareceu lógico tornar patentes estas por meio de árvores filogenéticas.
Mas, como é que podem ser reconhecidas as relações filogenéticas entre os grupos? Durante longo tempo, os debates sobre esta questom vírom-se dificultados devido à existência de imprecisões conceptuais, que levavam a resultados enganadores.
Esta situaçom, que minguava o prestígio da Sistemática, viria a prolongar-se até 1950, quando Willi Hennig desenvolveu umha metodologia da reconstruçom filogenética clara e de carácter generalizador.
Neste contexto, o Manual de Evoluçom e Sistemática oferece informações e sugestões práticas para a realizaçom de trabalhos de sistemática e expom pormenorizadamente os fundamentos teóricos da reconstruçom filogenética, polo que também aborda com profusom questões de natureza epistemológica. Além disso, para o esclarecimento dos conceitos fulcrais, como os de espécie e homologia, para a ponderaçom das hipóteses de parentesco e para a avaliaçom da importância da ontogénese comparada, bem como para analisar a formaçom de espécies e a emergência de novos planos estruturais, bota-se mão no livro de umha grande quantidade de exemplos extraídos dos âmbitos da Botânica e da Zoologia.
Traduçom do alemán: Prof. Dr. Carlos Garrido.
