HISTORIAS PARA COÑECERMOS PONTEVEDRA:LÉREZ

A parroquiade Lérez é, sen dúbida, unha das más sobranceiras das que compoñen a cidade de Pontevedra. De carácter rural, resiste á expansión do asfalto. Hoxe en día, aínda conserva montes, leiras, viñas e animais, que lembran ese pasado agrícola. Camiñar polas súas corredoiras evoca os carros cheos de millo, de herba ou uvas do pais. Agora, o renxer das rodas do carro foi substituído polo motor do chimpín ou a motoserra...

A trama de A coidadora de outonos transcorre na parroquia de Lérez. Vicente e Catuxa son irmáns, precisan axuda para ter conta da súa nai, a señora Ilda, e, asi, poder organizar as súas vidas. A procura desa persoa leva a Vicente a diferentes lugares da parroquia...