ENEIDA

Velaí a derradeira obra de Virxilio: un poema épico de miles de versos (para sermos xustos, 9.880), que ten como argumento externo unha longa viaxe pola metade oriental do Mediterráneo e unha guerra asañada en Italia, alá onde o Tibre rende tributo ao mar. A guerra de Troia remataba, non por unha derrota dos Teucros no campo de batalla, senón pola trampa que argalla Epeo e que Sinón, emisario de Ulises, sabe vender con éxito aos crédulos Troianos. Agás Laocoonte e unha minoría de Teucros, ninguén sospeitaba que os Gregos xogasen sacrilegamente cos dons de Minerva. E abriron as portas..