A FESTA DOS ANIMAIS

Un acartonado para xogar aos contrarios no que animais domésticos e salvaxes acompañan as nenas e nenos nas súas tarefas cotiás.
No mundo existen todo tipo de criaturas: rápidas ou lentas, que pasan o día durmidas ou espertas, que xogan ou traballan, que viven soas ou en compañía, que andan revoltas ou en fila, que sempre están
tranquilas ou que se alteran facilmente. Todas distintas, todas iguais, e dispostas a celebrar unha gran festa animal. Monos, osos, mouchos, preguiceiros... Vinte especies diferentes nun libro sinxelo e divertido que axudará aos máis pequenos a adquirir vocabulario e a nomear o mundo que os arrodea. Un álbum en formato acartonado coa deliciosa estética vintage do ilustrador arxentino Marcos Farina.