Santiago para conocerte y no olvidarte

Dividida en tres bloques que describen polo miúdo os tres aspectos principais de Compostela (o Apóstolo, a catedral e a urbe), esta obra caracterízase polas espléndidas imaxes que revelan recunchos, prazas, intres… desta cidade que combina maxistralmente tradición e modernidade. Este volume dedicado a Compostela inicia unha nova serie sobre cidades baixo o subtítulo “para conocerte y no olvidarte”. Como non podía ser doutro xeito, ao iniciarse a colección en Ano Xubilar, a serie comeza con Santiago de Compostela, unha cidade inesquecible que é fragmentada con mimo para facela perdurar na memoria dos que a habitan e a visitan. Para deleite dos amantes da imaxe, todas as fotografías, de grandes formatos, están impresas coa máxima calidade, e parecen saírse do papel para introducir ao lector nas ruelas e monumentos que mereceron o título de Patrimonio da Humanidade.

Editorial	Hércules Ediciones
Colección editorial	Para Conocerte y no Olvidarte
Nº de páxinas	223
Ilustración	Non
Autoría	Martínez Latas, Isabel e Salgado, J.M.
ISBN / EAN	9788496314023
Ano	2009