O danés curioso en Ordes

O prestixioso folclorista danés Gustav Henningsen realizou máis de 2400 fotografías de extraordinario valor documental e artístico durante os seus traballos de campo en Galiza entre 1964 e 1968. A maior parte deste arquivo retrata xentes, espazos e ritos da comarca de Ordes, onde Henningsen tivo fixada a súa residencia. Deste material, na súa grande maioría inédito até o dia de hoxe, seleccionáronse 90 fotografías, grazas a colaboración do propio Henningsen co magnífico editor fotográfico Eutropio Rodríguez. As imaxes van precedidas dun fermoso texto literario inspirado no legado de Henningsen, creado pola reputada escritora Estíbaliz Espinosa. O libro presenta o texto na súa versión en galego, español e inglés. Esta obra é a primeira referencia de Cámara Escura, a nova colección de fotografía e literatura d’aCentral Folque.

Editorial	A Central Folque
Colección editorial	Olladas fotográficas
Nº de páxinas	150
Ilustración	Non
Autoría	Rodríguez, Eutropio e Espinosa, Estíbaliz
ISBN / EAN	9788494951121
Ano	2018