Galicia Máxica: Romarías e Santuarios

Details:

Galicia Máxica: Romarías e Santuarios é unha mostra que rende homenaxe ao un dos traballos de don Antonio Fraguas arredor desta temática, ao mesmo tempo que pon en valor o Arquivo Fotográfico Gustav Henningsen, depositado no Museo do Pobo Galego.

Esta nova cita, dando continuidade á anterior, está encabezada polo epígrafe Galicia Máxica, e aplícase a amosar en máis de oitenta fotografías os santuarios e romarías galegos máis significativos, un rigoroso traballo de campo que Henningsen levou a cabo a mediados da década dos sesenta. No inventario fotográfico de Henningsen, contémplanse os dous ámbitos que motivan as romarías como espazo para o sacro e o profano. Os dominios milagreiros coas procesións, as propiedades sandadoras, as ofrendas e exvotos, as poxas na Lanzada... acábanse por entrecruzarse cos festexos ao aire libre, as reunións e animadas celebracións festivas.