Golfiño en portada

Volume que serviu de presentación de El Patito Editorial e que reúne unha escolma das portadas que Fausto Isorna (Catoira, 1961) realizou para a revista Golfiño ao longo da súa segunda etapa, en edición semanal a cargo de La Voz de Galicia. Na presentación, o autor resume a traxectoria da revista e lembra como naceu o personaxe que lle deu nome e que se converteu nunha figura emblemática, e como se encargou da realización de setenta e cinco das oitenta e nove cubertas nos seus dous anos de vida. As portadas preséntanse tal e como apareceron impresas e con cadanseu boceto, previo ao proceso de cor. Ademais van acompañadas de comentarios de Fausto sobre as súas preferencias, fontes, homenaxes explícitas e implícitas, etc. Recórrese en todos os casos ao gag protagonizado por Golfiño, só ou acompañado doutros personaxes habituais da revista, dando conta, en conxunto, dun universo de referencias, gustos e influencias do autor.

Editorial	El Patito Editorial
Colección editorial	Varios
Nº de páxinas	46
Ilustración	Fausto
Autoría	Fausto
ISBN / EAN	9788461176335
Ano	2008