Maruja Mallo (Mulleres Bravas)

Details:

A través deste volume mergullámonos na vida dunha das nosas artistas máis rompedoras.

Coñecemos a aquela nena que amarrou con forza o soño de se converter nunha extraordinaria pintora.

Ela era unha muller apaixonante e apaixonada.

Unha muller intelixente, estudada que prendeu nas cores vivas, nas formas xeométricas, no cosmos e todo aquilo que podía representar nos seus lenzos.

Unha muller que fixo unha personaxe de si mesma e que non deixaba indiferente a quen se cruzaba no seu camiño.

Unha muller libre e comprometida.

Unha muller leal ás amizadas e, sobre todo, unha muller brava.

Ela era… Maruja Mallo.